Häätyy joka tytölä pallomekko olla!

Meän ystäväparile Haaparanthaan synty sulonen tyär kesäkuun puolessa. Tarkotus oli heilä käyä viime viikonloppuna, joten tehtailin tämmösen ihan vain, koska häätyy se pallomekko olla joka tyttärelä! Valitettavasti ei sitte nähtykhään tulokasta, mutta mekko löysi perile kuiteski.


Kaava on isosti muunneltu Ottobren venekaula-aukollisesta bodysta (en muista kyllä missä numerossa oli)


Leikkasin siis bodyn ylä- ja alaosan irti toisisthaan ja tehin tuomosen framilonila rypytetyn hamosen, jonka sitte ompelin tuohon välhiin.

Koko 62-68cm. Pallorikoo Myllymuksuilta, resorit Mettolasta.
Tuli niin ihana, että melkein jo alko harmithaan, ettei ittelä ole ennää näin pientä tylleröä. Melkein. Mutta ei sitte kuiteskhaan.


Ittele tehtailin 60-luvun tyylisen mekon retrokankhaasta (todnäk 70-luvulta), joka oli yhelä fröökynälä jouten. Ihan fiini tuosta tuli. Kyllä tuota pittää ko Cädilläkilä ajelee. Kaava on taas kovasti muunneltu minuuttimekosta. Mietin vielä, että tehenkö vyön tuohon tai framilonila vähä ryppyä taakse vyötärön kohile. Saapii nähä.


Sitte vinkki teile, joila Marimekon paita on kenties löpsähtäny alareunasta löysäksi: mie ostin MM:n pallopaian kirppikseltä. Siinä oli just tämmönen lerppareuna. Miehän pakkasin sen fölhjyyn Hennan tykö, ko sieltä tullee monesti joku hyä idea miten saapii helpola taas hyännäkösen. Mie ko tehen monesti sen vaikeamman kautta (son geeneissä). Ja olihan se poka oikea liike. Hennahan hetken hunteerattuhaan totes, että kuminauhaa! Ja niihän mie tehin: pujotin vain kapean kuminauhan alareuhnaan ko sielä meni sopeva kuja. Ja son taas ko uusi. Sopevasti tekkee tuomosen lörpän taas tuohon vattamakkaran kohalekki !) Kiitos Henna! 


-Piituski-

Kommentit

  1. Voi mahoton etton nättiä taas :) Non nuo kätevät ystävät arvokkaita, niillon aina joku idea mitä ei ite hoksaa :D Ja peeäs, ihanasti kirjotat!

    VastaaPoista

Lähetä kommentti

Kiitos ko jätit kommenttia :)

Suositut tekstit